Alhamdulillah! May Globe Mobile Signal na sa bayan ng Pualas, sanggibu a salamat Mayor Amanoden ‘Tenney’ T. Ducol
Labis ang tuwa at pasasalamat ng mamamayan ng Pualas matapos maisakatuparan ang matagal na nilang hinahangad na magkaroon ng mobile signal sa bayan. Dahil sa pagsusumikap ng opisina ni Mayor Amanoden ”Tenney” T. Ducol mabilis na natugunan ng Globe Telecom Inc. ang aplikasyon ng LGU Pualas na magbukas ang Globe Telecom Mobile Network sa Pualas upang sa gayon ay maibsan ang matagal na suliranin ng bayan sa pakikipag komunikasyon, paghahanap-buhay, pag-aaral ng mga estudyante at trabaho ng marami.
Nitong linggo lamang ay bumisita ang mga tauhan ng Globe Telecom Field Sales Team sa Brgy. Danugan para dumalo sa isinagawang Globe Signal Switch-On Ceremony na dinaluhan din ng mga opisyales ng LGU Pualas sa pangunguna ni Mayor Amanoden T. Ducol, kasama sina Vice Mayor Dialalodin Maruhom, mga SB members, LGU Pualas Dept. Heads at Barangay Officials. Namahagi din ng 100 Globe and TM prepaid sims, load at business opportunities na pwedeng pagkakitaan.
Kung matatandaan, ang SMART Tower ay na Power-On din sa unang araw ng panunungkulan ni Mayor Tenney noong June 20, 2022. Sa ngayon, ang bayan ng Pualas ay may Globe at Smart mobile signal na.
Si Mayor Tenney ay nagpapasalamat sa Pamunuan ng Globe Telecom Inc. at Smart Telecom sa malaking tiwala at suporta sa liderato at administrasyon ng Makabagong Pualas. Patuloy na maglilingkod ng tapat at maghahatid ng mga dekalidad magseserbisyo sa bayan!
Mabuhay ang makabagong Pualas!
